ازاي تبقى رخم في الجامعه

فى الكلية
هتقابل صاحبك وهتقعدوا على أى كافيه بقى
هيجى الجارصون سيب صحبك يطلب الأول وبعدين استلم الجارصون
بقى واديله نصيبه
قوله عندك برجر ؟ هيقولك اه
قوله حلو ؟ هيقولك تمام
قوله اوك
يبقى اكتب واحد شاورمة
طب عندك كبده ؟ هيقولك ايوة قوله معمولة ازاى ؟
سيبه يرغى شوية وقوله انا اصلا مبحبش الكبدة فكك
حاول تطلب حاجات غريبة زى سندوتشات حلاوة طحينية على اساس انك فى سجن أبو
زعبل
أو سندوتشات بيض أو بتنجان أو لبن العصفور أمسك فى الحاجات اللى مش موجودة
كلها
المهم حاول تجيبله جفاف
عقبال ماتطلب اللى انت عايزه
وأنت بتاكل بقى أتسلى على المخلل اللى مش عاجبك أرمى شوية على التربيزة
وشوية على الأرض أنت وذوقك بقى
لو معاك
كاتشب مفيش مانع تكتب أول حرف من اسمك على التربيزة المهم تخليله التربيزة
شبه التورتة
ومتنساش تعيب على الأكل وأنت بتحاسب وكمان تقول الحساب غالى


*_*_*_*_*_*_*_*_*_*_*_*

فى المدرج أرشق نفسك بين أتنين متعرفهمش وابتدى الشغل بقى
أتعامل على إنك صاحبهم من قرن
يضحكوا على حاجة اضحك معاهم كده يعنى المهم تركز معاهم كأنك من بقيت أهلهم
ولا خلفوك ونسوك
أو طريقة تانية
أتلكك لكل اللى جنبك كل ماحد ينطق كلمة قوله لو سمحت أسكت عشان أفهم
لو مسكتش أنا هقول للدكتور والحركة دى رذلة ومستفزة جدا بس اشطه يعنى
وياسلام لو واحد وواحدة يبقى أنت كده جبت من الآخر
لو جنبك واحد بيكتب يبقى اتفتحتلك طاقة القدر اقعد اسأله
وعطله ومتخليهوش يكتب سطرين على بعض
استلم أى حد واسأله المحاضرة هتخلص امتى ؟ وكل فيمتو ثانية كده اسأله
الساعة كام اصل أنا زهقت
طبعا هو اللى زهق وطهق من الكلية وبيقول ياريتنى ماكملت تعليم وكره حياته
كلها زى باقى الضحايا


*_*_*_*_*_*_*_*_*_*_*_*


عايز تعمل دماغ حلوة روح على شباك شئون الطلبة المهم
حاول تعمل أهبل وأنت داخل وعايز تقف أول واحد
هيرجعوك ورا تحاول تقف مكان أى حد وترذل على كله هما أصلا بيبقوا واقفين مش
طايقين نفسهم
لو واقف تانى واحد كده
مفيش مانع تزق اللى قدامك تلبسه فى الشباك الحديد وتقول الله ياجماعة
ياللى ورا متزقوش
ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع
بتاع شئون الطلبة خالص
لما يجى دورك بقى بيبقوا عايزين يخلصوك ويكروتوك واللى واقفين وراك فى
الطابور مستنينك تغور فى داهية بفارغ الصبر
خد
وقتك كأنك بتحجز فى سينما و اسأل أسئلة كتير وكل مايقولك حاجة قوله مش
فاهم معلش قول تانى فهمنى أعمل أيه بالظبط لحد ماتشل أكبر عدد ممكن
وبكده يبقى أنت مارست هوايتك وقضيت يوم رذل

ههههههههههههههههههههههه

مش ممكن ايه الرزالة دى

بجد الله يكون فى عونهم اصحابك

تسلم على موضوعك الروعة

موضوعاتك خفيفة الدم

انا مش فهم حاجة ممكن تشرحلى اكثر وتفسر كلامك وهل اخترعت زمن جديد بعد الفونتوئانية ولو اكتشفت زمن جديد هل قمت بتسجيلة ولا تخلى زويل يسرقه منك وياخذ هو جائز نوبل وانت فى اى جامعة وكلية ايه وفى سنة كام وكم عدد اصدقائك وكام واحد بيهرب لما يشوفك وهل انت مرتبط واخر مرة زعلت منك امتى وكام مرة تقطع العلاقة معاك وكام مرة رخمت عليها يا رذل هههههههههههههه
موضوع عادة فين الرخمة فى اللى انت قولته ده انت ملاك ومثالى سيب الرخامه لنسه ههههههههههه
على فكره من خلال حديث عن شخصيتك فى الجامعة رسمت صورة ليك انت وزميلتك فى الجامعة



وطبع لما تتجوز ابنك هيكو هاكذا



هههههههههه على فكره انا بهزر معاك ومتقولش من اللى سمحلك تهزر معايا عشان بقت قديمة هههههه