جـرح وآحد ينآير ..

مدخل :


تبيني آعايد , وجودك معي .. عام
وآنا معك عام .. ومن الضيق حاير ..


يمكن تنسّيني معك .. حلو الايام
لكن .. ما آنسى .. ( جرح ) واحد / يناير !

قصايد , وشوق , ومواعيد , وظروف
طاحت من عيوني ... قبل يوصلونك


ياحزن .. وجه الحزن .. ماهو بـ مألوف
ما تذكر إن عيوني ... يميّزونك ؟


كان الغلا .. بين المعاليق .. محفوف
حفظتك بـ عيني .. عن اللي يبونك


يوم إني احوفك عن عيونهم .. حوف
وآزعّل اللي .. كانوا , يضايقونك

لبّستك بـ صدق الآحاسيس .. نفنوف
ما آجرحك .. لو ضيقتي من طعونك


من خاطر محبّ .. ومن احساس ملهوف
آنا بديتك .... قبل لا يبتدونك !


كل المشاعر جالسه , وآنتم وقوف
وتوقّفت الآحلام .. دوني , ودونك


( ضميري ) و ( ذكراك ) و ( بلوفر الصوف )
آشيا ثلاث .. تشجّع انّي آصونك


لكنّ خنت .. وما دخل قلبك الخوف
من عقب ماكانت عيوني ... عيونك


على الآقل .. ما آخونك .. وعينك تشوف
آسهّرك .. وآن جيت بـ تنام ... آخونك !

الله الله علي ها الدرر
جزاك الله خيرا