الاخوة الاعزاء
السلام عليكم الله ما يوريكم اللى حصل فى هذة الرحلة الممتعة فى كمية الاسماك
التفاصيل
المركب: المفروض البرنسيسة هانا لكن تم تغييرها الى فيشر مان
الريس : المفروض ميمى الجبرونى ولكن اصبحو الريسين ميمى والريس حسن والاثنين فل الفل ذوق واخلاق
التاريخ : الاربعاء والخميس 25 ز26 6-2008
المدة : ثلاث ايام ليلة اقصد يومين بليلة
اعداء الرحلة :
فريق حجر سعيد
1 - محمد انور
2 - عصام غانم
3 - محمد العربى
4 - م /محمد الحوفى قمة الاخلاق وخفة الدم
5 - الاستاذ حسين قمة الادب
6 - الاستاذ احمد الفلسطينى عضو فريق 100 100 متعاون لاقصى حدود بلوة فى خفة الدم
تفاصيل الرحلة محبطة ومملة ثم ممتعة
ابتدت بدخول عربية التلج محملة ب 10 قوالب تلج
الكل قال الجماعة دول هيقطعوا البحر وهنا مربط الفرس الريس ميمى اول ما شاف كدة قال انتوا اكيد صيدكو هايكون قليل
وكان كلامة صح البحر المد فية مش أد كدة وتحركن الى السرق ثم فى اتجاة را س سدر وتوقفنا فى دور الغشيمة وفعلا كانت غشيمة معنا ماطلعناش الهوا
الريسين ( طبعا المركب اللى فيها ريسين منهم ميمى الجبرونى ما تغرقش ) نقلنا على دور تانى جرينا بثلاث رابيلات ولا الهوا كانت الساعة 3 نقلنا دور تانى
والجر منفعش السمك حولينا كتير بس بيضرب الطعم بديلة ويكمل طريقة
طبعا الريسة كانو مكسوفين عشان الحصيلة تقريب صفر ماكنوش بينا المركب على الساعة 11 مساءا الموج حوالى 2 متر والمرجحة شغالة الساعة ليلا صدمتنا موجة رهيبة انقذنا انا وحسين من السقوط من على الكاورتة باعجوبة وفقد المركب ايس بوكس ومنها احمد اتخض واداها بعدها ترجيع وصداع المهم بعد الموجة دى اشتغلت على الكليمارى لانى محضر له لبارات تمام وخبرة معقولة فى صيدة طلع تلت كليمارات على كشاف المركب وواحدة اخدت اللبارة وسيبت شوية ليها وبداءت لم شويو شوية من غير ما اشد عليها هى خمس ثوانى وسابت اللبارة شكلها كانت بتفرش ستاتها بيها بس و بعدها الخرمان كان بيتفسح من غير مايقرب على الطعم
واسيبكوا مع صور الرحلة
الرئيسية
