موضوع منقول بس بجد تحفة قولت لازم اجيبهولكم
طبعا طلبة الكليات العملية
كالطب والصيدلة والهندسة وغيرها
هناك بجانب الامتحانات النظرى والعملى
الامتحانات الشفوى
******************************************
والامتحانات الشفوى دى بتبقى حظوظ
يعنى ممكن تكون مذاكر كويس جدا
وييجى دكتور يسالك فى نقطة رخمة
تكون انت مريت عليها مرور الكرام
وممكن متكونش مذاكر اوى والدكتور يسالك فى اللى انت مذاكره
وطبعا بتختلف من دكتور لدكتور
فى دكاترة زى العسل
وفى دكاترة اعوذ بالله
دكاترة اعوذ بالله دول من اشهر الجمل بتاعتهم
" ايه يابنى هاحطلك الصفر ولا تاخد تحطه انت لنفسك "
وواحد منهم تانى يقولك
" انا هارمى القلم على مكان الدرجة بتاعتك واللى القلم هيكتبه هتبقى دى
رجتك "
ومعناها ان الصفر المتين فى انتظار معاليك
" واتذكر موقف لواحد صاحبى : بيقول دخلت للدكتور فسالنى سؤال فمعرفتش اجاوب
فقعد يشرحلى
وفهمنى السؤال وكله تمام وانا بقى انشكحت وانبسطت وقلت باين عليه طيب
وهيدينى درجات حلوة
المهم بعد مالشرح خلص وبعد حوالى النصف الساعة من هز الراس كدليل على الفهم
من جانبى
وعلى طريقة " ياعم صلى كلهم بيهزوا "
لقيت الدكتور بيقولى
فهمت فقلتله اه
قالى خلاص علشان السنة الجاية وانت بتعيد المادة هابقى اسالك نفس السؤال
هههههههههههههههههههههههههههههههههههههه
******************************************
موقف مضحك جدا لواحد اعرفه فى هندسة اسكندرية
أنبوب طويل وقائم مليان زيت لزوجته عالية
وبعدين كان المفروض إن احنا بنرمي كرات معدنية أقطارها مختلفة في الزيت ده
ونحسب سرعتها عشان نجيب لزوجة الزيت بعد كده بحسبة بسيطة
المهم واحد زميلنا الدكتور جابله التجربة دي وقاله ايه الفرق لما نحط بدل
الزيت ده ملوخية؟؟؟ (على فكرة الدكتور كان بيتكلم جد والله)
الولد السؤال استفزه راح قايل للدكتور نرمي بدل الكرات دي أرانب
ههههههههههههههههههههههههههههههههههه
أكيد خمنتوا اللي حصل بعد كده
******************************************
" القهوة والبطيخ "
مرة كنت فى امتحان الفسيولوجى فى سنة تانية
دخلت لدكتور من الدكاترة معروف انه عصبى أوى أوى
و بيتعارك مع دبان وشه
المهم أول ما دخلت مكتبه
ما بصش عليا أصلا
و قام منادى بأعلى صوته
يا توحييييييييييده
(دى الدادة)
جات توحيدة و قالتله أيوه يا باشا!!
الدكتور (و بطريقة مرعبة): القهوة اللى انت عاملاها زى الزفت ايه القرف
ده؟!
توحيده:معلش يا باشا حقك عليا أعملك غيرها
الدكتور: ايه اليوم الأسود ده
حاجة تقرف
(على فكرة كل ده أصلا و أنا قاعد ما اتكلمتش ولا كلمه و عايز الأرض تنشق و
تبلعنى)
الدكتور: و انت كمان هتخنقنى زى اللى قبلك و لا هتخلص و تنجز؟
أنا: ان شاء الله هجاوب يا دكتر
الدكتور: ؟؟hdkgvk;jsdgljg;sjkhjhvjkl/sdfh/lsjhl
(ده المفروض انه سؤال فى الطب و بالأخص فى مادة الفسيولوجى لكن أنا مفهتش
حاجة منه أصلا بالرغم انى كنت مذاكر كويس أوى)
لحظات من الصمت الرهيب سادت أجواء لجنة الشفوى
لا نسمع فيها سوى صوت عقارب الثوانى فى ساعة الحائط اللى فوق نفوخ الدكتور
و دخلت توحيدة بالقهوة :اتفضل يا باشا روق دمك مفيش حاجة تستاهل
الدكتور: انتى شايفانى مجنون و بأشد فى شعرى وللا ايه؟
(بصراحة كنت عايز أقوله أيوه فعلا بس ما رضتش اتكلم)
المهم توجه بنظره اليا
و قاللى هسألك سؤال تانى علشان ما نفضلش فى المكتب المؤرف ده لحد الصبح
الدكتور: gdghlfglhsdfgvhk;gvsfh;sjsbh lhsfghkl ??
بصراحة السؤال كان صعب و مش مفهوم أصلا
بس قلت لازم أرد و أقول أى حاجة
ابتديت اتكلم و اكسب وقت
ماهو برضه لازم أقول أى حاجة علشان ما آخدش الصفر الكبير
و لسه بابتدى اتكلم و اعمل تقسيمه
لقيته قام من مكتبه كالمارد الجبار
و بأعلى صوته صاح قائلا:
هو أنا بتاع بطييييييييخ؟ شايفنى بتاع بطييييييييخ؟ ماشى بعربية كاروووو و
بأقول عا السكينة؟
اطلع برررررررره
بررررررررررررررررره!!!!
******************************************
ومرة فى امتحان باثولوجى وبارا
دخلنا الشفوى
وكان صراحة حتة دكتور زى العسل
المهم قالنا اكتبوا اساميكم فى الكشف
فواحد مننا تطوع وهو اللى كتب الاسامى فبيسال الباقى اساميكم ايه
فجه على واحد زميلنا اسمه عبد الله معوض
بيقوله اسمك عبد الله معوض ايه ؟
علشان يعنى يكتبه ثلاثى
الدكتور قاله ياسيدى اكتب عبد الله معوض بس
يعنى هو حد سال سيد معوض اسمك سيد معوض ايه
وسالنا عن ميولنا الاهلاوية والزملكاوية
وكان دكتور اخر حلاوة الصراحة
*********************************
واحد صاحبى فى إمتحان BIO فى صيدلة عين شمس
سأله سؤال غريب مش فى المنهج
فالواد قاله يا دكتور على فكرة أحنا مخدناش الكلام ده
قاله: يعنى أنت عايزنى أسألك فى اللى خدته عشان تجاوب
*****************
ومرة واحد صاحبى تانى دخل لدكتور pharma فسأله سؤال غريب جدا
حتى أنا مش فاكره والله
المهم الواد قالوا مش عارف يا دمتور
الدكتور قاله لازم تكون مش عارف أصلا لا أنت تعرف ولادكتورك اللى درسك
المادة يعرف و لا إينشتاين يعرف أنا بس اللى أعرف
******************************************
في مرة كدا واقف برخم على الدكتورة بقولها نفسي اوري أبويا شهادة التخرج يا
دكتورة
و كان على أيامها مسلسل الحج متولي
المهم لقيت بنت مزة ورايا بتقول للدكتورة
يا دكتورة مامي بتقول أبن الحج متولي خد البكارليوس في أربع حلقات
انتي مش عارفة تخديها في ٥ سنين
*****************************************
مرة في امتحان ceutics
كان الدكتور من بلد تانية
و حصل لخبطة معاه في تذاكر القطار و مكانش فايق لنا
اتصل بمراته و خلاها تسألنا بالموبيل لحد ما يخلص موضوع التذاكر
*****************************************
أحنا عندنا فى الكلية دكتور صعب جدااااااااا و أسئلته ناااااااااار اللى
يقع تحت إيده ياويله يا سواد ليلة فالمهم الحمد لله كان فى اللجنى اللى
جانبى
فواحدة والله من كتر خوفها منه أغمى عليها فالدكتور قام بسرعة وقالهم كباية
لمون بسرعة و أسبرينه للدكتوره المهم قام قعد يفوقها هو بنفسه ولما فوقها
قام مشربها اللمون و أداها الأسبرينه و عمال يهديها و يهرج معاها
وبعدين قالها خلاص إتفضلى
قالتله إيه ده يا دكتور أنا متسألتش
قالها لأ حضرتك أتسألتى وجاوبتى كمان
قالت له إزاى
قالها فى حد ياخد ليمون و أسبرينه مع بعض يا دكتوره
برررررررررررررررررررررررررره
*****************************************
واحد صاحبي في كلية طب
المهم
بيحكيلي كان امتحان شفوي
الدكتور فضل يساله
وهو مش عارف حاجه
لحد الدكتور ما زهق
قاله المفروض الحامل ايه وضع الولاده الطبيعي
قام مجاوب
الدكتور قاله لا انا كده مش فاهمك
بص اطلع عالترابيزه ووريني
الواد خاف
الدكتور قاله متخاااافش
اول ما الواد ما قعد
قام الدكتور فتح باب الاوضه و قال للواقفين بره :
شايفين ياعيال دي اخرة اللي ميجاوبش
*****************************************
سمعت كمان حكاية من واحد صاحبي
بيقولك عندنا
دكتور سال طالب مابيجاوبش حاجة خالص فى الشفوى
طبعا الطالب قاعد قدامه على مكتبه
قاله ايه الفرق بينك وبين الحمار
الطالب قاله الترابيزة دى
*****************************************
عندنا فى مادة الكيميا التحليلة من سنتين
الطلبة اللى اساميهم بحرف الالف بيخشوا شفوى لرؤساء القسم " اعوذ بالله "
وماادراك
كانك سيرمى بك الى جهنم وبئس المصير
فلقيت طالب اسمه احمد لماعرف كده
هيعيط ويقول ايه اللى خلى ابويا سمانى احمد
*****************************************
عندنا دكتور في ال ceutic دخلتله شفوي
اول ما قعدنا قال للي جمبي
قال ابوووووكي يابت
كلنا تنحنا
قال ابوووكي صحي بليل و قالك عندي حموضة تديله ايييييييييييييه و بسرررررعة
ردت واحدة جمبي قالتله اديلوا قرص zantac
قالهم نعم يا ختي انتي عارفة القرص دة بكااااااااااام ؟؟؟
الله يخرب بيوتكم هتخربوا بيت ابوكم
ايديله يا ختي شوية لبن ساقع
*****************************************
مرة واحد صاحبى دخل لدكتور فى البييو
فالدكتور قاله بص من الاول كده قولى انت مذاكر ايه ومش مذاكر ايه علشان
ننجز ونجيب من الاخر
فقاله يادكتور انا مذاكر البروتين
بس ال dna مذاكرتوش
قاله خلاص
قولى بقى dna synthesis كده على السريع
ههههههههههههه رخامة اصلي يعني
*****************************************
ياريت لو حد من الاعضاء عنده موقف يقوله وانا لو افتكرت هقول بردو بس هما
دول اللي ف ذهني دلوقتي
الرئيسية
.gif)
