منتدى بستان الحب



 
الرئيسيةالرئيسية  البوابةالبوابة  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  شات  الفوتوشوب  دخولدخول  



شاطر | 
 

 الحال فى مصر قبل الثورة وبعدها

اذهب الى الأسفل 
كاتب الموضوعرسالة
جاسمين
مديرة الموقع
مديرة الموقع
avatar







مصر
انثى عدد المساهمات : 3005
تاريخ التسجيل : 02/02/2010

مُساهمةموضوع: الحال فى مصر قبل الثورة وبعدها   الأحد 01 مايو 2011, 18:10

هكذا كان حال الشعر قبل الثورة
حتى العفريت
لقيت الفانوس مرة ودعكته طلعلى عفريت… شبيك لبيك
قلت أنا للذل باى وودعته وللعفريت هاهريك هاهريك
قالى هأوأو يا إبن الإنسان دانا عفريت مارد بن جان
ما يهمني مكان ولا زمان واطلب وأنا عندى البرهان
*****************
أناعاوز قمح زُرع فى مصر ومرتب يكفى لآخر الشهر
وحكومة متعصرنيش عصر ومسؤولين يبطلوا فشر
وعاوز عيش من غير طوابير وإنفاق حكومى بدون تبذير
وانتخابات من غير تزوير ورئيس سابق أشوفه كتير
*****************
عاوز فى بيتى شيكارة دقيق وتبرير مقنع لأى حريق
ومجلس شعب بدون تصفيق وفى كأس العالم لينا فريق
وأكلة كباب مشوى على السيخ مع عيالى فى شرم الشيخ
وأشرب فى القسم عصير بطيخ وأخرج سليم بدون تلطيخ
ونفسى الضحكة ترجع تانى ورصيف للمشى أنا وخلاّنى
وجنيه مصرى زى البرانى يشترى حتة لحمة ضانى
*****************
رد العفريت عليا بغشم وقال يا مصرى ماكنش العشم
بص.. أنا ممكن أشيل الهرم واسدلك الأوزون اللى اتخرم
وأرجعلك الأكل اللى اتهضم وتمأمأ البقرة كأنها غنم
أبنيلك قصر من العدم وأقولك معنى شرم برم
بس طلباتك طلبات ملموس عقله خلاص أكله السوس
ده تخطيط يا بنى ومدروس إنك تعيش على طول موكوس
وأحنا بناخد منكوا دروس إزاى يبقى الجن متعوس
ويا ريت ترجعنى تانى الفانوس وأنا راضى أعيش محبوس
بدل ما أخرج واتبهدل زيك ويتلم موكوس على متعوس

و هكذا اصبح الحال بعد 11 فبراير
عِرْفِتْ مصر ثورة
عاشت مصر حرة
*********
ثورتنا بدم جديــــــــد *** وشجاعة بقلب حديــد
وشباب له عزم شديد *** يحمينا من التهديــــــد
نازل علشان يساعدنا *** ويحط الإيد فى الإِيــــد
يتكلم عن مواجعنـــــا *** ببراعه وشكـل فريـــد
والفقر اللى بيوجعــنا *** ويَّـاه ح يروح لبعيــــد
ودى ثوره جـوة بلدنا *** تتمتـع بالتأييــــــــــــد
راح تنجح لجل ولادنا *** وبلدنا تبقى فى عيـــد
يابلدنا الحلم إتحقــــق *** وبقالنا فجـر جديــــــد
وشبابنا هوا الأصدق *** والصبح ح ييجى أكيد
ياسويسنا ياأحلى مدينه *** فيه ثوره وعزم شديد
راح تمسح دمعه حزينه *** عن شطِّك بالتحديـــــد
وتزوق فيكى المينـــــــا *** وتعمر بالتشييـــــــــد
وتمد الكوبري لسينـــــا *** والخير فى بلدنا يزيـد
والصحرا اللى حوليـــنا *** ح تخَضَّر بالتسميــــد
والثوره ح تنجح بينــــا *** والكل ح يبقى سعيـد
والجيل الصاعد فيــــــنا *** ح يغنى ليها نشيـــــد
الثــــورة قامـت لينــــــا *** ورواها ألف شهيــــد
ثورتنــــــــا ح تنجيــــنا *** وح نبدأ فى التجديــد
والضلمه اللى فى ليالينا *** تنزاح من دم جديـــد
تنزاح من دم جديـــد





الرجوع الى أعلى الصفحة اذهب الى الأسفل
 
الحال فى مصر قبل الثورة وبعدها
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى بستان الحب :: الأقسام الأدبية والإبداعية :: بستان الشعر المنقول و الخواطر المنقولة-
انتقل الى: