قوم يا شعب فجر صمتك
عصر الخسة لازم يرحل
سمع كل الشرق الأوسط
إن شبابك عمره ما يقهر
قول وعلى الصوت على طول
دم الشهداء في قلوبنا بيغلى يفور
ثورة اتولدت فى التحرير
جنينها ينادى بالتغيير
طهر بلدك من سياسيين فاسدين
اقتلع قلب السلطة من جذورها بالتحذير
أوعى تفكر أن الغرب يوما يقودنا
ثورة وشبت فى قلب مصرى أصيل
رغم كلابك فى حريق الفتنة مشعلين
وقت الأزمة مسلم ومسيحى لمصر ملبيين
عهد الخوف اندثر فى قلوب الناس
وانتحر على أيد ثورتنا فى جمعة الخلاص
وخاف من قلوب لمصر صادقة
عمرها ما كانت فى يوم تحلم بالسلطة
كل حلمها بسيط بكرامة تعيش وسط الملايين
وانت وحاشيتك بتغرف بالبلايين
وتقول بكل غطرسة وغرور
سيبهم يلعبوا دول عيال تافهين
ولكى تقتل الحلم فى قلوبهم بقنابل تسيل دموعهم
وعربات السلطة على الرصيف تنحرهم
وبلطجية بجمال وشوم وطوب تضربهم
فاكرين الحلم فى قلب الثورة يموت
برصاص مطاطى ورصاص حى يغتال ثورة المليون
حولت الثورة نهضة لبلدى شعارها التغيير
وسجلت بالماس على جبين التاريخ
فخر بلادى انبثق من ثورة التحرير
بقلم
جاسمين
8 / 2 /2011
الرئيسية
