حيرة وغربة

وضاع منى الكلام من تانى
ورجعت أتوه بين أحزانى
أبحث عن بقايا انسان أجمع أشلائى
كان فى هنا قمر وناس خدنى للأمانى
وفجأة سابنى أغرق فى بئر أحزانى
لا منه جانى ولا مشى ونسانى
طيب ليه من الأول جانى ووعدنى بالأمانى ؟؟
ما أنا كنت متعودة على أشجانى
ارتوى من كأس يأسى وحرمانى
قالى تعالى معايا هتعيش مرتاح
هخلى دنيتك كلها سعد وأفراح
صدقته وحلقت معاه فوق السحاب
عانقت النجوم ونسيت معاه الهموم
صاحبت بسماتى نورت معاه لحظاتى
احلوت معاه الدنيا اتلونت بألوان تانية
فجأة سماى امتلأت بغيوم الحيرة
رجعت لقهر أيامى أسير وحيدة
حسيت بغربتى وسط أحزانى
بتعجب ما ده من الاول كان عنوانى
ليه دلوقتى حاسة انى غريبة
والحزن كان دايما صديقى وسلوتى
حتى الحزن رغب عن مصاحبتى
خلاص اصحابى بقوا حيرتى وغربتى

بقلم
جاسمين
15 /6 /2008

تسلمى يا خوخة على مرورك الجميل وردك الاجمل

الذى زين العبارات واضاء حروفى والكلمات

تقبلى منى اجمل الباقات


[ندعوك للتسجيل في المنتدى أو التعريف بنفسك لمعاينة هذا الرابط]